GEGURITAN CORONA NGRERIDHU INDONESIAKU

 



Corona Ngreridhu Indonesiaku

 

Iki gurit dakripta saka gedhening tresna

Nalika nyawang hayumu, ijo royo-royomu

Datan rinasa luh dleweran nelesi dhadha

Oh, sliramu gantilaning atiku

Nimas, tresna iki datan bisa kabendung

Emas upama, daksimpen  jroning teleng atiku

Salaga pepindhan dakukir ing jero dhadhaku

Ing mripatku, ayumu tansah ngreridhu

Aku tresna lair batin mring sliramu,oh, pepujaning atiku

 

Iki dina sliramu nandang sangsara

Nalika virus Corona ngreridhu

Den tujes-tujes anggane rakyatmu

(den) Obrak-abrik  katentremaning  kawulamu

Nora ana welas, sepuh anem disaru siku

Endi elor, endi kidul bingung wong nduwa Corona iku

Sadina rong dina, tekan etungan sasi tetep ndrawasi

Ing sadhengah papan lan wektu tansah gawe wedi

Ayo kanca tetepa maskeran, aja kemruyuk, aja lali sesuci

                        Omah Geguritan, 31 Agustus 2020

 

 

 

 

 

Komentar

Posting Komentar

Postingan populer dari blog ini

URUTAN ACARA ASOK TUKON

Gambar
  URUTAN ACARA SRAH TINAMPI UPAKARTI PINANGKA JANGKEPING SALAKI RABI (ASOK TUKON) 1.         PAMBUKA Acara kabuka kanthi ndedonga ing pangajab acara lumampah kanthi gancar purwa madya wusana, caket ing sedaya nugraha, tebih saking rubeda. 2.        ATUR PAMBAGYA HARJA (WONG TUWANE CALON PENGANTEN PUTRI) Isine : Wong tuwane bakal pengantin putri ngaturake sugeng rawuh lan matur nuwun   marang para tamu dene wus kersa rawuh, paring donga pangestu, lan liya-liyane. Uga matur nuwun awit saking paringipun pambyantu awujud apa wae. Nyuwun ngapura awit anggone caos suguh, lungguh kurang nuju prana. 3.        SABDA PANGANDIKA BAKAL BESAN (WONG TUWANE CALON PENGANTEN KAKUNG) Bakal besan matur menawa tekane ing papan iku selaras rembug kapungkur   bakal njodhokake putra kakunge karo putra putrine sing kagungan dalem. Nyuwun supaya diijabake. Uga ngaturake upakarti   a...
Baca selengkapnya

Cerkak : Pulung Gantung

Gambar
  PULUNG GANTUNG Dening: eSWe Sidi             Wengi kang tintrim. Langit ireng njanges. Lintang-lintang padha ndhelik ing waliking mendhung. Mung siji loro lintang katon sedhela wusana ilang diemplok mega ireng kandel. Wit-wit njenggereng anteng kaku. Ing kampung-kampung ora ana sabawane wong. Mung keprungu bengoke asu ajag, sora lan nggegirisi sapa wae kang krungu. Pegunungan ing mburi kampung iku njegreg kaya kwandhane buta kang mati kepanah.             “Wengi kang nyiksa batinku,”grenenge Barimin kang wus pirang-pirang tahun ketaman lara insomnia , kangelan turu. Ora mung kuwi, wong lanang kang wis sawetara wektu ditinggal lunga anak bojo iku uga duwe lelara paru-paru merga kakehan ngrokok lan saiki saya nemen. Watuk ora leren-leren sinartan rasa cekrik-cekrik kaya disudhet-sudhet nganggo dom tansah ngogreh-ogreh dhadhane.       ...
Baca selengkapnya

Pambagya Harja Mantenan

Gambar
  Pambagya Harja Resepsi Pengantin Dening : eSWe Sidi   Assalamu,alaikum wr.wb. Mugi sih wilasa saha berkah dalem Allah, Gusti Ingkang Hamisesa Bawana, tansah rumentah dhateng kula, saha Panjenengan sedaya, samenika sarta ing salajengipun. Puji syukur miwah pangalembana kunjuk dhateng Allah ingkang sampun paring nugraha kanikmatan awujud kalodhangan satemah kula panjengan sedaya saget kempal manunggal ing papan minulya menika. Nun inggih kagem anjenengi saha hangestreni upacara asok srana saha ijab kabul antawaispun Rara Ayu____________atmaja putrinipun Bpk____________sekaliyan kaliyan Bagus______________atmaja kakungipun Bpk.________________ingkang pidalem ing____________________ Salawat salam mugi katetepna dhumateng Nabi Agung Muhammad saw. Ingkang kaantu-antu pitulunganipun ing dinten kelanggengan.   Nuwun, Panjenengan dalem para luhur, para sepuh, sesepuh, miwah panjenenganipun para tamu, mliginipun kadang calon besan/besan nun inggih Bpk.____________ ...
Baca selengkapnya