Teks Wakil Karangtaruna dalam Syawalan Massal

 



ATUR PANGABEKTOS WIRA ANEM

DHUMATENG PINISEPUH

Syawalan massal 2011

 

Assalamu’alaikum wr wb.

Alahamdulillahirabbil’alamiin…dst.

Mugi sih wilasa saha berkah dalem Allah Swt. tansah rinentah dhumateng panjenengan sedaya dalasan kula, samenika sarta ing salami-laminipun.

 

Para pepundhen, pinisepuh ingkang pantes kinabekten.

Para rawuh kakung putri, para kadang ingkang dhawah wredha menapa dene mudha, kakung, putri ingkang sutresna.

 

Nuwun sewu,kula kumawani ngadeg ing ngarsa panjenengan sedaya awit saking dhawuh timbalanipun para kadang panawung kridha utawi panitia syawalan kula kadhawuhan, kinen matur dhumateng ngarsanipun para pinisepuh pinangka sulih salira para kadang wira anem kakung putri ing wewengkon kampung Kowen riki.

Saderengipun, mangga tansah munjuk syukur ing Ngarsa Dalem Allah swt. ingkang awit saking berkahipun, Panjenengan sedaya dalasan kula saget kempal manunggal ing Masjid Nurulhuda menika tebih saking sedaya rubeda. Salawat saha salam tansah katetepna sinandhang Njeng Nabi Muhammad saw. Ingkang pantes tinuladha sedaya umat manungsa.

 

Salajengipun, keparenga kula matur pinangka sulih sariranipun kadang mudha sedaya.

Ing riki, kula sakadang wira anem sedaya kakung putri keparenga  ngaturaken  sugeng riyadi Idul Fitri warsa 1432 ( sewu kawan atus tigang dasa setunggal)  Hijriah saha ngaturaken sungkem pangabektos kunjuk dhumateng para Bapak/ Ibu/ pinisepuh sarta para pangemban pangembating praja. Sedaya kalepatan : lampah satindak wiraos saklimah,ing setunggal warsa awal-akhir lair- batos keparenga nyuwun lumunturing sih samodra pangaksami.

 

Semantena ing mbok bilih para pinisepuh, sesepuh, pangasta pangembating praja kapanduk ing raos mboten kasengaja rinaos lepat dhumateng para anem,kanthi lila legawa linambaran raos ingkang rinaos lebet ugi ngaturaken dhawah sami-sami.Mugi-mugi Allah kepareng paring pangapunten dhateng kula saha panjenengan  sedaya. Amin.

 

Mekaten, para rawuh, aturipun para kadang anem lumantar kula. Ing wasana, mboh bilih anggen kula matur kathah kekilapanipun, kula nyuwun lumunturing samodra pangaksami.

 

Wassalamu’alaikum wr.wb.

ooo000eSWeooo000

 

 

 

 

 

 

 

 

 

 

 

 

 

 

 

 

Komentar

Posting Komentar

Postingan populer dari blog ini

GEGURITAN PAHLAWAN

Gambar
  Pahlawan Kuwi Sapa Apa kang wus koktindakke geneya sliramu ngaku dadi pahlawan maju ing palagan, sliramu durung kawruhan tetulung mring sasama, durung ana kang nggawa pawarta nora ana wong rumangsa sliramu nyipta barang kang piguna.   Pahlawan? Apa hiya, pahlawan iku sing pinter omong ing kene kana? Apa hiya, pahlawan iku kang ngudhar-udhar alaning liya? wegig nguntir-untir   ukara, pengung ing karya?   pahlawan iku, kang nora ngaku pahlawan! pahlawan iku kang sesingid ing guwaning Bathara Wektu nyebar ganda arum lumantar kembanging Bathara Bayu kang weh resep atining kawula lumantar karya kang tanpa cinoret asma-asma                                                 Omah Geguritan, 15-8-2023 ...
Baca selengkapnya
Gambar
  IKRAR SYAWALAN KELUARGA BESAR SMKN 2 SEWON JUMAT, 13 MEI 2022 DI WARUNG OMAH SAWAH (WOS) Assalamu’alaikum wr.wb Bismilahirahmanirahiim Alhamdulillahirabbil’alamiin Washolatu wasalamu’ala asrafil anbiyai wal mursalin Muhammadi wa’ala alihi washahbihi ajma’in Kasuwun para rawuh nirokaken !   IKRAR Kula sedaya, keluwarga ageng SMKN 2 Sewon, kanthi lila legawa ngandharaken ikrar 1.     Ingkah dhawah anem, kepareng ngaturaken sungkem saha bektos kagem para ingkang dhawah sepuh/wredha. Ngaturaken sugeng Riyaya Idul Fitri tahun 1443 H/ 2022 M. Mugi-mugi para ingkang dhawah sepuh ngapunten ing sedaya kilap ingkang  sengaja menapa dene mboten kasengaja sampun  katindakaken dening para mudha dhateng para ingkang dhawah sepuh/wredha. 2.     Ingkang dhawah sepuh/wredha ngaturaken salam taklim dhateng para ingkang dhawah mudha. Mugi-mugi para ingkang dhawah mudha kanthi lila legawa ugi keparen...
Baca selengkapnya

Geguritan Jaman Kalabendu

Gambar
  Jaman Kalabendu Ing sawijining wektu wong gedhe ngendikane nora kena digugu jare ngene jebul ngono   Ing sawining wektu, wong cilik pijer pating pendelik rebutan dhingklik, krikil, lan klungsu dhakonan dadi gelutan gojegan dadi regejegan geguyon dadi lelakon gamparan dadi srampang-srampangan ithik-ithikan dadi thuthuk-thuthukan gandhengan banjur bantingan kekancan dadi memungsuhan   iku dudu takdir iku merga keblinger ing pikir ninggal piwelinge simbah lali dikir   agama mung dadi pawarta ustad dianggep wong dodol jamu guru pokale wagu lan saru murid trekahe saya wagu dikandhani nora nggugu malah ngejak gelut wong tuwa lan guru   iki jaman kalabendu aku salah kowe kleru wong bener dianggep keblinger wong cidra disembah kaya dewa kepara oleh partisara diadili mung ing panggung sandiwara nora sida dikunjara sing bener dadi kedher           ...
Baca selengkapnya