Teks MC Pengajian

 


Gambar : Penulis menjadi MC Peresmian Masjid Nurulhuda oleh Bupati Bantul,  Drs. H. Suharsono Tahun 2019

MC PENGAJIAN

 

Assalamu’alaikum wr wb.

Alhamdulillahirabbil’alamiin...dst.

Mugi sih wilasa, berkah dalem Allah Swt, karahayon, tansah rinentah dhumateng Panjenengan dalasan kula, samenika sarta ing salami-laminipun.Amin.

 

Para pepundhen, pinisepuh,sesepuh ingkang winengku ing pakurmatan.

Para pangasta pangembating praja ingkang minulya.

Para tamu kakung putri, para kadang, ingkang sutresna.

 

Nuwun sewu, ing ari kalenggahan menika kula tinimbalan saha kadhawuhan dening para kadang panitia pengaosan  ……………….. pinangka panata adicara.

 

Saedrengipun mugi kepareng kula ndherekaken Panjenengan sedaya munjuk puji sukur dhumateng ngarsa dalem Allah Swt. Ingkang sampun paring kasarasan saha kalodhangan wekdal kawistara ing wekdal menika saget sesarengan kempal ing majelis menika kanthi wilujeng nir sambekala sedayanipun.

Salawat saha salam mugi tansah kasok saking ngarsa dalem Allah Swt kagem junjungan kula Panjenengan sedaya ingkang tansaha kaantu-antu pitulunganipun benjing ing dinten kiyamat.

 

Salajengipun, pinangka cecala, kula aturaken urut-urutaning adicara ingkang sampun sinanggit dening para kadang panitia, mekaten :

Angka setunggal         :Pambuka

Angka kalih                 : Atur pambagya harja saking panitia

Angka tiga                  : Waosan kalimat toyibah/ tahlil

Angka sekawan           : Istirahat

Angka gangsal             : Pengaosan saking Bpk.Ustad ___________________________

Angka enem                : Panutup

Para rawuh, saderengipun badhe kaaturaken waosan kalam ilahi dening sedherek..............

Wekdal, sasana kaaturaken. Sumangga !   .................................           

 

Kaaturaken agunging panuwun dhumateng sedherek..................ingkang sampun kersa maosaken ayat-ayat suci Alquran.

 

Para rawuh, salajengipun tumapak ing adicara angka setunggal, pambuka. Mangga adicara kabuka sesarengan kanthi waosan basmalah, sumangga ! ..........................

Matur nuwun. Adicara salajengipun  atur sapala saking takmir masjid Nurulhuda, dhumateng Bpk. Sumarjo wekdal saha sasana kaaturaken. Sumangga..............

 

Matur nuwun kaaturaken dhumateng Bpk. Sumarjo,S.Pd.

Adicara salajengipun waosan kalimah toyibah. Wekdal kaaturaken dhumateng Bpk. Slamet Paidi Sasra Nugraha. Sumangga.

 

Matur nuwun. Adicara salajengpun sumene. Wekdak kaaturaken dhumateng para Mas/Mbak Karangtaruna. Sumangga.

 

Para Bapak/Ibu, para rawuh. Adicara salajengipun Pengaosan saking Bpk. Ustad ……………………….. Sumangga!

 

Matur nuwun dhumateng Bpk. _____________. ingkang sampun paring pengaosan, mugi-mugi wonten manfaatipun. Amin.

 

Para rawuh adicara ingkang pungkasan, panutup. Mbok bilih anggen kula ngaturaken uruitaning adicara kathah kekirangan, kula nyuwun pangapunten. Mangga adicara kapungkasi kanthi waosan hamdalah. Alhamdulillahirabbil alamiin. Wassalamu,alaikum wr.wb.

 

eSWe Sidi

 

Komentar

Posting Komentar

Postingan populer dari blog ini

URUTAN ACARA ASOK TUKON

Gambar
  URUTAN ACARA SRAH TINAMPI UPAKARTI PINANGKA JANGKEPING SALAKI RABI (ASOK TUKON) 1.         PAMBUKA Acara kabuka kanthi ndedonga ing pangajab acara lumampah kanthi gancar purwa madya wusana, caket ing sedaya nugraha, tebih saking rubeda. 2.        ATUR PAMBAGYA HARJA (WONG TUWANE CALON PENGANTEN PUTRI) Isine : Wong tuwane bakal pengantin putri ngaturake sugeng rawuh lan matur nuwun   marang para tamu dene wus kersa rawuh, paring donga pangestu, lan liya-liyane. Uga matur nuwun awit saking paringipun pambyantu awujud apa wae. Nyuwun ngapura awit anggone caos suguh, lungguh kurang nuju prana. 3.        SABDA PANGANDIKA BAKAL BESAN (WONG TUWANE CALON PENGANTEN KAKUNG) Bakal besan matur menawa tekane ing papan iku selaras rembug kapungkur   bakal njodhokake putra kakunge karo putra putrine sing kagungan dalem. Nyuwun supaya diijabake. Uga ngaturake upakarti   a...
Baca selengkapnya

Cerkak : Pulung Gantung

Gambar
  PULUNG GANTUNG Dening: eSWe Sidi             Wengi kang tintrim. Langit ireng njanges. Lintang-lintang padha ndhelik ing waliking mendhung. Mung siji loro lintang katon sedhela wusana ilang diemplok mega ireng kandel. Wit-wit njenggereng anteng kaku. Ing kampung-kampung ora ana sabawane wong. Mung keprungu bengoke asu ajag, sora lan nggegirisi sapa wae kang krungu. Pegunungan ing mburi kampung iku njegreg kaya kwandhane buta kang mati kepanah.             “Wengi kang nyiksa batinku,”grenenge Barimin kang wus pirang-pirang tahun ketaman lara insomnia , kangelan turu. Ora mung kuwi, wong lanang kang wis sawetara wektu ditinggal lunga anak bojo iku uga duwe lelara paru-paru merga kakehan ngrokok lan saiki saya nemen. Watuk ora leren-leren sinartan rasa cekrik-cekrik kaya disudhet-sudhet nganggo dom tansah ngogreh-ogreh dhadhane.       ...
Baca selengkapnya

Pambagya Harja Mantenan

Gambar
  Pambagya Harja Resepsi Pengantin Dening : eSWe Sidi   Assalamu,alaikum wr.wb. Mugi sih wilasa saha berkah dalem Allah, Gusti Ingkang Hamisesa Bawana, tansah rumentah dhateng kula, saha Panjenengan sedaya, samenika sarta ing salajengipun. Puji syukur miwah pangalembana kunjuk dhateng Allah ingkang sampun paring nugraha kanikmatan awujud kalodhangan satemah kula panjengan sedaya saget kempal manunggal ing papan minulya menika. Nun inggih kagem anjenengi saha hangestreni upacara asok srana saha ijab kabul antawaispun Rara Ayu____________atmaja putrinipun Bpk____________sekaliyan kaliyan Bagus______________atmaja kakungipun Bpk.________________ingkang pidalem ing____________________ Salawat salam mugi katetepna dhumateng Nabi Agung Muhammad saw. Ingkang kaantu-antu pitulunganipun ing dinten kelanggengan.   Nuwun, Panjenengan dalem para luhur, para sepuh, sesepuh, miwah panjenenganipun para tamu, mliginipun kadang calon besan/besan nun inggih Bpk.____________ ...
Baca selengkapnya