BAHASA-SASTRA-BUDAYA JAWA

  GAMBUH CORONA VIRUS Corona virus kang dur gawe susah sakabehing dulur Indonesia miwah ing manca negari gawe raga ati ajur yutan warga dadi layon   mula kanca sedulur kawaspadan aja nganti luntur nganggo masker njaga jarak tangan cuci aja lungan kruyak-kruyuk dimen virus corona doh   dhedhe ing wayah esuk olahraga nyambut gawe macul ngunjuk vitamin dhahar ingkang bergizi anggone sare diatur lungan aja adoh-adoh   pamarentah wus ngatur suntik vaksinasi ayo manut praturan presiden gubernur bupati ngulama paring pituduh warga oleh dhana bansos   iki mung sembur tutur nora karep mulang kaya guru amung nyuntak isen-isening jro ati sokur slira padha manut lamun manah krasa cocog                         Omah Geguritan Kowen-Sewon, 20 Juli 2021

  Dening : eSWe Sidi Contoh MC dengan bahasa Indonesia, Anda dapat  Klik di sini Assalamu’alaikum wr.wb Alhamdulillahirabil’alamiin. Wasolatu wasalamu’alal...dst. Innalillahi wa inna ilaihi rajiuun. Kullu nafsi dzaiqotul mauut. Para pinisepuh, sesepuh ingkang kinurmatan, Para pangemban pangembating praja ingkang dados tuladhaning warga, Para tamu ingkang minulya. Nyuwun agunging pangaksama awit kula kumawani ngadeg ing ngarsa Panjenengan sedaya jalaran kadhawuhan dening ahli warisipun almarhum/almarhummah .....pinangka pranata adicara angkating layon. Saderengipun, mangga tansah ngaturaken puji syukur kunjuk dhumateng Allah swt. awit paringipun nugraha dhumateng kula Panjenengan sedaya satemah saged rawuh ing papan menika saperlu paring/caos pakurmatan ingkang pungkasan dhumateng almarhum/almarhummah.... Shalawat salam mugi tansah kasok dhumateng Nabi Agung Muhammad saw. ingkang kaantu-antu syafaatipun ing yaumul kiyamah. Rehne sampun dumugi wahyaning man...